Shillong Nailar 14: Ka jingialang jong ki saw tylli ki MLA constituency kaba kynthup ia ka Mawthadraishan, Mawkyrwat, Nongstoin bad ka Rambrai-Jyrngam kiba hap hapoh jong ka Pariong MDC Constituency ki la shim ia ka rai ban pynieng ia u Bah Gitanjelis Pariong bay n long u kyrtong MDC jong ka party.
Ha ka jingialang kaba la long dangshen ki nongkit kam jong seng Congress na ki saw tylli ki MLA Constituency kila shim ia ka rai ba pynieng ia u bah Pariong ha ka MDC election kaban long ha u snem 2014.
Ban pynkhlain ia ka seng bad ban don ka jingiatreilang da baroh ban wanrah ia ka jingjop kaba don burom la thaw ruh ia kawei ka committee kaba la tip kum ka Joint Congress Committee Pariong MDC Constituency bad u Dr P R Lyngdoh la thung ia u kum u Chairman.
Kiwei ki nongkit kam ki long u bah Charles Thabah Vice Chairman, Bah Valentine Thyrniang – Vice Chairman, Bah H. Thabah Secretary, Bah G. Pariong bad ki dkhot jong ka executive committee ki llong na Mawkyrwat MLA constituency u bah Primus Thongni, Bah Nicholas Tympuin, Bah Prin Paliar bad Bah Gregorious Paliar.
Na Nongstoin MLA constieuncy ki long u Bah Ch rles Sohshang,Bah Gresland Thabah,Bah Nathaly Iawphniaw, na Rambrai MLA Constituency ki long u Bah Andy Hujon, bah Kitbor Lyngdoh bad Bah Phumstar Lyngkhoi.
Katba na Mawthadraishan MLA constieuncy ki long u Bah N S Marwein , bah R.W Syiem, Bah Lospingland Pariong, bah Phailandar Nonglait, bah S . Wahlang, bah ionis Lyngdah, bah Espar Hujon bah M.War, Bah Ovariin Nongsiej, B a h George Rapsang. Bad u bah Swir Syiem.
Ha kane ka jingialang la aibor ia ka Mawthadraishan BCC kan long ka bor ba ha khlieh duh jong katei ka Joint Committee ban leh ia kaba donkam na ka bynta ka MDC Election, la shim ruh ia ka rai ban nym shah shuh ia kino kino ki Candidate ki ba dang shu rem ha kane ka MLA election kaba la dep ban long ki kyrtong MDC.
Ki kyrtong kiba la mih na ka seng congres ban ia leh pyrshah ia u kyrtong jong ka party Congress kin nym shah shuh ban ialeh ia ka election MDC. La shim ruh ia ka rai ban ai bor ia u Bah Gitanjelis ba un dang iaid noh ban pyntihuh paidbah kum u kyrtong jong ka party na ka bynta ka MDC election 2014. Ia katei ka jingialang la pyniaid da u Bah E Kyrbah president jong ka Mawthadraishan BCC.(SP News)
