Shillong, Rymphang, 07: U Samla Jeofrey H. Jaraiñ, u la mih ban aireng ha kane ka kynti iakhun ia ka elekshon MDC-2014 na ka 19-Jaiaw District Council Constituency. Une u samla u dei uba shong basah ha ha Jaiaw Shyiap Block-III, Shillong.
“Nga pynbna ialade ba ngan mih shakhmat ban long u Kyrtong Shimet na kane ka Consntituency sha ka Khasi Hills Autonomous District Council. Kane ka rai, ka la long hadien ba nga ladep ban iamir jingmut bad shibun ki riew Rangbah, ki Longkmie bad khamtam ki khun Samla shynrang bad kynthei halor kane ka jingthmu, namar ma ki ruh ki iohi ia kajuh ka jingdonkam bad kata ka long ka jingkylla ha rukom pyrkhat ban mihkhmat sha ka Khasi Hills Autonomous District Council,” ong une u samla ha u kyrwoh ba u la phah.(SP News)
