Shillong, Nohprah 19: Ka sorkar mynta ka sngi ka la pynmih ia ka jingpynshai paidbah halor ka jingkynnoh ba u Chief Secretary ka jylla u Bah WMS Pariat u la pynkhien ia ki kyndon jong ka tnad sorkar GAD. Na ka liang jong ka sorkar ka ong ba kane ka long kaba bakla namar kiba thoh kim shym la wat bniah ia ki jingshisha.
Ha ka khubor kaba la phah na ka liangjong ka sorkar ka la pynshai ba u Chief Secretary ka jylla u bah Pariat u shong ha iing la jong ha Mawlai, kumta katkum ki kyndon kiba la buh da ka sorkar u don hok ban ioh ia kane ka bai wiang iing kaba T.16000 /- tyngka kaba u dei ban ioh na ka sorkar, ka jingong ba la pynkhein ia ki kyndon jong ka sorkar ka long ka bym don Nongrim.(SP News)
