Shillong, Rymphang 01: U khlieh duh jong ka niam Buddhist u Dalai Lama yn wan sha Shillong ban long u kongsan ha ka jingpynkup burom ka Martin Luther Christian University (MLCU) ia ki samla pule kiba la pyndep ia ka jingpule ka jong ki na kane ka skul bah.
Ia kane ka jingpynkup burom kaba hynriew ia ki samla pule kane ka skul bah kan long ha ka 3 tarik mynta u bnai ha state central library Shillong. Namar ba u tei u khlieh duh jong ka niam Buddhist u hap hapoh ka jingiada Z.plus na ka liang jong ki pulit kila buh ia ki kyndon ba ki nongpyniaid ki hap ban but.
Na ka liang jong ki pulit ki la btah ba ia ki paidbah kiba shah khot sha kane ka jingpynkup burom ia ki samla pule ha kate ka sngi la mana ba kim dei ban rah kum ia ki jingkhap tyrsim, ka tari, ki tiar pynmynsaw, ka um bilor, ka lighter ba thang cigarette, ka jingpruid, ki bombula lane ki kamera.(SP News)
