Shilong Nailur 11:Ki rangbah shnong jong ka thain Umroi pynlun mynta ka sngi ki la pynpaw ia ka jingkyrshan ka jong ki ia ki sengbhalang halor ka jingdawa ba dei ban pyntrei kam noh ia ka ILP ha kane ka jylla ban iada na ka jingwan rungtuh ki bar jylla. Na ka liang jong ki rangbah shnong ka Umproi pyllun ki ai ka jingkyrshan ia kine ki seng bhalang.
U bah R.L Lyngkhoi Rangbah Shnong barim jong ka Umroi Umdoh Byrthih ha kane ka jing iakren u la ong ba “ngi kwha ba ka sorkar kan pyntrei kam iaka I.L.P. khnang ban tei iaka suk ka sain haka ri bad ka jaitbynriew bad haki shnong ki thaw ,khnang ban iada iaki jing wan rung pathar jong ki mynder, dei ban don ki registration ban tip iaki jing don jong ki u la ong ruh iaka I.L.P dei ban pyntrei naduh ki raid, hima,dorbar Bad haduh ka sorkar ban iada iaka jaitbynriew ,bad iaka I.L.P ha poh District Council ym don ba kren.
Hapoh umroi pyllun ki don ar tylli ki shnong kiba la sdang pyndonkam iaka registration ki shah tang iakito kiba don bad iaki bymdon kim shah,ki don ruh ka jing thmu ban leit ia kynduh iaka sorkar,kaba kongsan eh bakina ki shnong ki ai jing kyrshan halor ka I.L.P ka long ba ki iohi jingma kan sa ap iaki kadaw ka long ba ki jingdon jong ka kad lieng suin(Airport) bad ka jingwan jong ki briew kiba na bar ka long kaba jur bad kane ka jingleh ka jong ki ka long kum ka lad jingiada.
U Bah Lyngdkhoi u la ong ba ka jingkren jong u myntri rangbah ka jylla u Dr Mukul Sangma ban iada ia ka jingwan jong ki bar jylla da kaba pyntreikam ia ka Tenancy Act ka long kaba bakla shibun. Namar ka Tenancy Act ka dei ka ain ka iada ia u nonghongwai ym ia u trai iing.
Na ka liang jong ka shnong kin ai jingbit ia ki briew tang san bnai bad ha dien ka san bnai ki hap ban pynthymmai biang ia ka jingregister ka jong ki. Kiwei ki rangbah shnong kiba la ia don lang ki longu Bah S Thabah, P Dkhar badkiwei kiwei.(SP News)
