Kilapara, Jymmang 25: U mot sah kynmaw ba la shna ha Kilapara ha Garo Hills ka long ban pynmynmaw ia ka thma hapdeng ka India Bad ka Pakistan kaba la ialeh ha u snem 1971 bad dei lyngba jong kane ka thma ka Ri Bangladesh ia la ioh ia ka jinglait luid na ka kti jong ka Pakistan.
Ha kaba plie ia u7ne u mot sah kynmaw na ka liang jong ka Ri India la don lang u Sh. Subhash Joshi, IPS, Director General, Border Security Force bad na ka liang jong ka Ri Bangladesh la wan mih da u Major General Aziz Ahmed, Director General, Border Guard Bangladesh ha kaba u la plie ia une u mawmot sah kynmaw ia kito ki shipai kiba aiti ia la ka jong ka jingim ha katei ka thma.
Dei hakum kane ka sngi ba ki shipai jong ka Pakistan ki la ther tyngeh ia kane ka ktem shipai jong ki BSF kaba don ha Kalipara ha Garo Hills hynrei naka liang jong ki BSF kim shym la aili ki la iakhun pyrshah haduh ba ki shipai jong ka Pakistan ki la hap ban phet krad na kane ka jaka.
Ha kane ka jingiakhun shibun ki shipai BSF ki la aiti iala ka jong ka jingim. Dei ha kane ka jaka ba da kihajar ngut ki Bengoli na Bangladesh ki la wan ban phet ban pynlong ia ka kum ka ja rieh ban lait na ka kti jong ki shipai Pakistan. Ha kane ka thma 1971 ki shipai Pakistan ki la ia leh ban ther ia kane ka jaka haduh laisin laiwat.
Ha kane ka sngi plie ia une u mot sah kynmaw ia ki shipai kiba la aiti ia la ka jingim u wei na ki shipai pisa u ba la lam ia kane ka jingiakhun pyrshah ia ki shipai Pakistan ha katei ka sngi Sh B. S. Tyagi, Comdt (Retd) 25.5.1971 u la don lang. Dei hapoh ka jingialam ka jong u ba la lah ban beh ia ki shipai Pakistan. Ha kane ka sngi la ai burom ia kito baroh ki shipai kiba la aiti ia la ka jong ka jingim ban iada ia ka Ri.
Ha ka jingkren jong u DG BSF u la pynkynmaw ia kane ka sngi ha kaba ki shipai ki la ia khun kum ki riewshlur bad une u mot sah kynmaw ka pyn kynmaw ia ka thma India –Pakistan 1971.
Ha ka jingkren jong u DG, BGB jong ka Bangladesh u la ong ba ha Bangladesh ki kynmaw burom ia ki shipai BSF namar kane ka thmai ka dei ka jingialeh ban pynioh laitluid ia ka Bangladesh. U ong ba ai kane ka jingialong paralok kan dang iai bteng haduh kip or ban dang wan ba kan long kumjuh. Ha kane ka sngi u Deputy Commissioner ka West Garo Hills, U SP jong kane ka District ki la ia don lang.(SP News)
