Shillong, Jymmang 19: Ka Meghalaya Board of School Education (MBOSE) mynta ka sngi kala pynbna ia ka result jong ka Secondary School Leaving Certificate Examination (SSLC), ha ka por shiphew baje mynstep.
Ha kane ka jingpynmih ia kane ka result u Sourav Pathak jong ka Ramkrishna Mission Higher Secondary School u long long u ba nyngkong eh ha kaba u la ioh haduh 571 ki marki ha ba khien lang ia baroh ki subject but sa u Subhendu Karmakar na Tura Town Higher Secondary School ha kaba u la ioh 567 ki mark na baroh ki subject katba u Neil Leeson Syiemlieh jong ka Kiddies Corner Secondary School u la wan balai ha kaba u la ioh 566 ki mark ha baroh ki subject.
U Neil Leeson Syiemlieh u ba la wan balai na baroh ki samla pule u la phuh samrikhi da ka jingkmen ha kaba u la ong “ Ngam shym la lah ban mut dur ban poi ha kane ka thong”.(SP News)
