New Delhi 23: Ka Asian Centre for Human Rights mynta ka sngi ka la ai da ka jingthoh sha ka United Nation ban ujor halor ka jingshah bat bor jongki kynthei ha kane ka Ri India wat hapoh phatok. U Rapporteur jong ka United Nation ula don ha India naduh ka 22 tarik mynta u bnai haduh ka 1 tarik u bnai Jymmang.
Ha dien ba la pynkylla iaka kyndon ain 176 jong ka CrPC ka National Human Right naduh u snem 2005 haduh mynta ka la don haduh 39 tylli ki jingshah ujor ba ka la don ka jingbat bor ia ki kynthei wat hapoh phatok. Ka ACHR ka dawa na ka UN ba ka dei ban ong ei ei ia ka sorkar India ha kaba ia dei bad kane ka bynta. Ka jingshah batbor jong ki kynthei ha ka ri baroh kawei kala kot sha ka 48,338 tylli ki jingjia.
Na ka liang jong u Director jong ka ACHR u la ong ba kane baroh kadei namar ba ka sorkar pdeng bad ki sorkar jylla kim shym la peitbniah ia kaei kaba dei ban leh bad kane baroh ka jia na ka daw jong ka jingkhein sting jong ka sorkar pdeng bad ki sorkar jylla.
Na ka juh ka por ka ACHR ka kyntu ia u heh jong ka UN ba u dei ban bthah ia ka sorkar pdeng ba ka dei ban wanrah ia ka jingkylla ha ka kyndon 197 jong ka CrPC bad ka kyndon kaba 6 jong ka Arms Forces Special Act ia kaba la tip kum ka ain iakjakor.(SP News)
