Jowai, Nohprah 09: Ka kong A. Dkhar kaba long ka nongshong shnong jong ka shnong Khliehtyrchi kala buh iaka jingujor pyrshah ia u bah Kitbok Rymbai uba long u Rangbah Shnong jong ka shnong Khliehtyrchi ha Ummulong Beat House haka 12 tarik u bnai ba ladep.
Ka kong Dkhar haka jingujor jong ka kala kynnoh ba une u Rangbah Shnong ula maham iaka hadien ba kala ioh iaka RTI haka 25 tarik u Ocotber naka ophis jong ka BDO Thadlaskein halor ka skhim baduk IAY, kaba kala dawa katkum ka hok jong katkum ka nongshongshnong jong ka ri India.
Hadien ba u Rangbah Shnong u Kitbok Rymbai ula tip ia kata ka jingleh jong ka ula maham bad byrngem iaka da kaba pyndonkam daka phone kaba don ia u number 9856158320 haka 27 tarik jong une u bnai.
Kane ka longkmie kala ujor pyrshah ia une u Rangbah Shnong namar baka don ha ka jingtieng jingsmeij khamtam iaka kynthei briew kummaka bad kala dawa ruh ba ki bor ki dei ban pynshitom ia u katkum ka ain.(SP News)
