Nongpoh, Jymmang 14: Ka Synjuk ki Rangbah Shnong (SRS), Ri-Bhoi
Mihngi, hapoh ka jingialam jong u president, Bah Field Marshall Mawphniang bad u Bah Scalling Basaiawmoit, general secretary, ki la leit kynduh mynne ka sngi ia ka Deputy Commissioner (DC) ka Ri-Bhoi district, ka Poonam Pandey, ha ophis treikam jong ka ha Nongpoh.
Ha katei ka jingiakynduh ia katei ka khlieh jong ka district, ki nongialam ka SRS Ri-Bhoi Mihngi ki la pynpaw hakhmat jong ka ia ka jingjaboh kaba mih na ka Wah Umiam, kaba la pynjaboh ia katei ka wah da u Bah Honsen, na ka daw jong ka jingtih khyndew jong u harud jong katei ka wah.
U Bah Basaiawmoit, haba iakren bad u nongthoh khubor, u la ong ba ha ka jingiakren bad ka DC, ki la iathuh ia ka jingshisha jong katei ka Wah kaba la jakhlia bad kaba lah ban pynduh ruh ia ki dohkha dohpnat kiba im ha shilynter jong katei ka Wah tang na katei ka daw ba utei u briew u la tih khyndew bad ka khyndew ka la iohlad ban tuid sha
katei ka wah na ka shnat wah Umshing.(SP News)
