Shillong, Lber 17: ka por jong u MP Rajya Sabha jong ka jylla Meghalaya kam kut ha ka 28 tarik mynta u bnai bad ka election ka dei ban long ar sngi shuwa ka por bankut namar shuwa ban kut ka sngi u MP Rajya Sabha u hap ban shimti ia ka kam namar kam long ban pyndukut wat tang da ki kynta ruh.
Ki khubor ba ia jan bad ka seng Congress ki iathuh ba ki don ar ngut ki kyrtong kiba kwah ban ioh ia ka Congress tiket na kane ka jylla Meghalaya, u Bah John F Kharshiing bad u Manas Choudhury MLA ba rim jong ka Mawprem.
Kumba ka long mynta ka Congress kam pat shai iano ban ai tiket namar ka dang ap ia ka jingpynbna jong ka election commission jong ka Ri India ha kaba ia dei bad kane ka election MP Rajya Sabha ha ka jylla Meghalaya kaba don tang u wei u MP.
Ha ka snem 2008 u Thomas A Sangma u la jop ia kane ka election MP sha Rajya Sabha, hynrei namar ba u la wan ban ia khun ia ka election MLA sha ka iing dorbar thawain ka jylla u la hap ban resign noh na katei ka kam. (SP News)
