Shillong, Jymmang 19: Ka Amika K War jong ka Auxillium Girls’ Higher Secondary School, Shillong kala wan ba nyngkongeh ha ka examin HSSLC kaba la pynlong da ka MBOSE mynta u snem kane ka samla ka la ioh haduh 431 ki mark na baroh ki subject. Ia ka kyrdan ba ar la ioh da ka Bethea Meba Aihun K Sohkhlet jong ka St Anthony’s Higher Secondary School ha kaba ka la ioh baroh ki mark 424 ha baroh ki subject, ka Kritika Goenka jong ka St. Mary’s College kala wan b alai ha kaba kala ioh 420 ki mark ha baroh ki subject.
Haba kren ha ki nognthoh khubor ka Amika K War kaba la wan ba nyngkong ha ka HSSLC Arts ka la ong ba kam shym poi pyrkhat ba kan poi sha kane ka thong hynrei kaba la pynlong ia ka ba kan poi sha kane ka thong ka dei na ka jingai mynsiem jong ka kmie.
Kane kaei kaei baroh dei tang ka jingtrei shitom kam don lad da kumwei pat, lada trei shtiom lah ban ioh ia kaei kaei kaba kwah ha ka jingim briew, la ong ka Amika.
Haba la kylli aiu ka don ban ong sha kiwei ki samla pule ka la ong ba ka khubor kaba ka kwah ban ai ka long “ phet sha jngai na ki kam kiba lah ban pynjot ia phi, minot bad pynleit jingmud ia kaei kaba hikai ha klass”.(SP News)
