Shillong, Naitung 25: Ka kynhun na ka Ri Genrmany ka la wan sha kane ka jylla Meghalaya ban ia kynduh ia u myntri rangbah ka jylla u Dr Mukul Sangma ban ia kren ha kaba ia dei bad ka Mariang.
Na ka liang jong ka Ri Gernany ka long kaba la koi ban ia ai ia ka jingiarap kumno ban ia leh ha kaba ia dei bad kane ka jingkylla ha ka mariang. Ka Dr Utta Bolhoef, kaba la ialam ia kane ka la ong ba na ka liang jong ka Ri jong ki ka long kaba la kloi ban ai ia ki jongdon kam na ka bynta ban pynneh pynsah ia ka mariang.
Haba kren ha ki nongthoh khubor katei ka nongialam ia katei ka kynhun na Germany ka la ong ba ki kwah ban ia treilang bad ka jylla Meghalaya ha kane ka bynta bad kin sa ia sdang bad kiwei ki jylla jong kane ka thain shatei lam mih ngi jong ka Ri India.
Ka Bolhoef ka la ong ba na ka liang jong ka Ri Germany ka long kaba la kloi ban pyni kumno ban iada ia ka mariang da ka juk stad ka jong ki kaba ki don namar kane ka jingiada ia ka mariang ka long kaba don kam.
Na ka liang jong u Dr Mukul Sangma u la ong ba ha kane ka jingialang ki la ia kren bad ka sorkar ka long kaba la kloi ban ia treilang bad ka Ri Germany ha kane ka liang bad kane ka long lyngba jong ka sorkar pdeng ia kaei kaba la ia kren kan long tang lada ka sorkar pdeng ka ai ia ka jingbit.(SP News)
