Shillong, Naitung 13: Ka jinglehniam Naimtre jong ka jaid bynriew pnar ia kaba la tip kum ka Behdienkhlam kala kut mynta ka sngi hapdeng kajingiphuh iphing ha kaba da ki hajar ngutki briew ki la ia poina kylleng ban sakhi ia kane ka jinglehniam.
Kaba ka kham pynsngew tynad shuh shuh ka long ba ha kane ka behdeinkhlam kaba mynta u snem u speaker jong ka iing dorbar thawain ka jylla Goa Rajendra Arlekar u la wan ban sakhi ia kane ka jingleh niam kaba kyrpang jong kane ka jaid bynriew kaba dang rit paid.
Naka liang jong kiheh sorkar jong ka jylla Meghalaya kiba la ia poi ban sakhi ia kane ka jinglehniam ki long ka kong Amapareen Lyngdoh kaba dei ka myntri Urban Affair, u Bah Sgewbhalang Dhar PWD minister,u Bah Ngaitlang Dhar parliamentary Secretary bad ki heh sorkar jong ka West Jaintia Hills District.
Ha une u snem 11 tylli ki “Rot” la wanrah na kylleng jong ka Jowai Doloiship, ha kine ki Rot la thoh ruh ia kaei kaba jia sawdong sawkum jong kane ka ri bad ha kaba ia dei bad ka long briew man briew, kum ka jingpynjot ia ka mariang, ka jingsniew kaba mih na ka jingdih drugs bad ka jingshah ban bein jong ki kynthei khynnah.
Ha kaba kut jong kane ka jinglehniam ka la don ka jingiakynjat ball ha pdeng ki lyngdoh bad ki Sangot. Ha kane ka jingialehkai ka kynhunjong ki lyngdoh ka la jop bad ka jingeit ka long ba ka dei ka dak ka shim ba ka rep ka riang ha une u snem kan bha khamtam ia kiba rep kba.(SP News)
