Shillong, Jylliew 18: U Chief Executive Members jong ka KHADC u bah P N Syiem mynta ka sngi u la wanrah ia ka jingmang tyngka hapoh ka iing dorbar jong ka KHADC na ka bynta u snem 201302014. Ha kane ka jingmang tyngka na ka liang jong u CEM u la kdew ba ka jinglut na ka bynta kane ka snem 2013-2-14 kan long T.88,22.39,630/- bad ka jingmih kan long T.88,22.12.020/- da kane ka jingmang tyngka ka KHADC kan duna ka pisa tang T.27610 tyngka.
Ha ka jingmang pisa kaba mynta u snem ki jingmih kiba khaw bun eh na ka bynta ka KHADC ka long naka Trading license ha kaba la buh ba kan poi kumba T.1.35 klur, na ka jingioh bynta na ki marpoh khyndew kan poi kumba T.15.25 klur bad na ka professional Tax kan poi kumba T.7.5 klur.
Hynrei ka jinglut kaba bun na ka liang jong ka KHADC kan long na ka bynta ban siew ia ka tulop jong ki nongtrei ha dien ba la pynkiew ia ka tulop jong ki nongtrei. Ha ka juh ka por ka jingpyntrei iaki kam pynroi ruh kan long kumba juh long.(SP News)
