Shillong, Risaw 08: U Dr. Jemino Mawtho, MLA jong ka UDP u mynta ka sngi u la wanrah ia ka motion hapoh ka iing dorbar ban ia kren halor ka phang ban shimti da ka sorkar ia ka jingtrei kam jong ki nonghikai.
Ha ka jingkren ka jong u la kren bun ki phang ha kaba ia dei bad ka jingeh kaba ki nonghikai ki ia kynduh ha kane ka jylla bad ia ka jingtrei kam jong ka tnad pule puthi.
Haba jubab ia katei ka motion na ka liang jong u myntri ba dei peit ia ka pule puthi ha kane ka jylla u Dr RC Laloo u la ong ba ka sorkar mynta kan shimti shuwa tang ia ki skul defecit bad ia ki higher secondary school kiba b ala pyniaid da ki kynhun jong ki riew shimet lait noh ki skul niam.
Ka sorkar kan leh ia kane katkum ki kyndon jong ka Meghalaya School Education Act 1981 Section 20 (2). Hab aia dei bad kane ka bynta na ka liang jong ka sorkar ka la dep ban ia kren bad ki nongialam niam bad ha kane ka jingiakren na ka liang jong ki Balang kim kwah ban aiti sha ka sorkar.
Ka sorkar ka la ia kynduh ia ki nongialam jong ka KJP Synod, JACATAM, AMPSTA ban ia kren bad ban ia pyrkhat na ka bynta kane ka phang. Ha kane ka jingiakynduh la ia rai ban dang iai bteng ban wad bniah ia kane ka jingdawa ka jong ki bad yn sa ia shim ia ka rai ha dien. Kane ka kam ka long kaba jwat yn nym lah ban shurai kumne.(SP News)
