Shillong, Nailur 09: Ki nongialam jong ka party KHNAm mynta ka sngi ki la ioh ban poi ha S
tate Central Library wat hapdeng ka jingsyrtap jong ki pulit ban pynlong ia ka jingshah thngan ka jong ki ha katei ka jaka ban dawa na ka sorkar ba dei ban pyntrei kam ia ka Inner Line Permit ha kane ka jylla bad ba ka sorkar ka dei ban leh ei ei na ka bynta ki nonghikai.
Na ka liang jong ki pulit naduh dang step ki la syrtap ia katei ka jaka ban nym shah ia ki nongialam jong ka KHNAM ban pynlong ia ka jingshah thngan ha katei ka jaka namar ka don ka kyndon 144 CrPC kaba la pynjari saw dong jong ka secretariat. Namar ba ym shym la shah ia ki ban rung hapoh ka State Central Library ki la pynlong ia ka jingshah thangan ha khydop jong ka tei ka jaka sorkar.
Ia kane ka jingshah thngan la lam khmat da ki nongialam ba ha khmat eh jong ka seng u President u bah Pyndap Saiborn, Working President bah Adelbert Nongrum MDC, u Bah Latiplang MDC, u Bah Ban Basaiawmoit MDC bad ki nongkit kam jong ka seng kiba kynthup ruh ia ki kynthei.
Na ka liang jong ki heh pulit bad magistrate ki la wan ha kane ka jaka ban kyrpad ia kine ki nongialam jong ka seng khamtam ia u Working president u bah Nongrum ba kin kynriah na katei ka jaka hynrei na ka liang jong u bah Nongrum ym shym la sngap ia ka jingkyrpad ka jong ki bad ki la pynlong ia kane ka jingshah thngan ha katei ka jaka.
Na ka liang jong ki bor ba dei peit ia ka District Administration haba ki iohi ba kine ki nongialam jong ka KHNAm ki la rai ban pynlong beit ia kane ka jingshah thngan ha kane ka jaka ki la wanrah ia ki Bus bad tan ia kin a katei ka jaka bad leit buh ia ki shawei pat kaba lait na ka kyndon 144 CrPC.(SP News)
