Shillong, Risaw 06: Ka seng Hynniewtrep Achick National Movement (HANM) ka pynrem jur ia ki pulit kiba la thewt ia ki nongalam jong ka seng la kum ia ki lehnoh bad nongpyniap briew.
Kumba ka sorkar ka ong ki briew ba pyniap briew ha Smit ba ka dei tang ka jingpharep, ka seng ka ong ruh ia ki pulit kim dei ban thwet tang na ka jingpharep, ka seng ka pynrem jur ia ki pulit halor kane ka bynta.
U bah T Wahlang Organizing secretary jong ka seng u la ong ba ka jingbat ia ki nongialam jong ka seng haduh 14 sngi hapoh ka police custody ka long pyrshah ia ka hok long briew man briew. Ki nongialam jong ka seng u Bah Arphul Kharbani bad u Bah Gabriel Sohlang kim dei ki nongpyniap briew.
Ha ka juh ka por ka seng ka dang ieng halor ka nongrim ba kane ka sorkar jong u Dr Mukul Sangma ka dei ban weng noh mardor ia u Deputy Commissioner jong West Khasi Hills namar kane kam dei ka jingdawa jong ka seng HANM hynrei ka dei ka jingdawa jong ki paidbah ha kaba ka seng ka shu shim ia ka rai jong u paidbah.
Ka jingpynngat jong ki pulit ia ki kynnoh bapher bapher jong ka ain ia ki nongialam jong ka seng ka dei tang ka jingparep jong ki pulit bad khlem da don ki sabut kiba biang. U tei u nongialam jong ka seng u la ong ba ki jingjia kim shym la jia ha ka por ba ka seng ka pynlong ia ka pakhang ophis.
Na ka liang jong ka seng ruh ka la wad mynta ia kito kiba don kti ha ka jingthang ia ki kali, kawang maw bad thang ia ki ophis sorkar, lada ka seng ka lap kan pynshitom da kaba tyngeh. Ka police Department lada ka dang iai bteng ia kane ka jingthwet ia ki nongialam jong ka seng la kum ia ki lehnoh ka seng kam ban se ban iada la ka long ha kano kano ka dur.(SP News)
