Shillong, Naitung 03: Waw ka sang iau, batbor u kpa ia la ka jong ka khun ha Lumphira ha Nongmynsong, kane kala jia ha ka miet 2 tarik shiteng synia.
Ki pulit jong ka nongmynsong ki la leit ban kem ia u Bah Henry Dingdoh ba la 47 snem ka rta u ba la bat bor ia la ka jong ka khun jong u ha iing sah ha Lumphira, ha Nongmynsong.
Katkum ki khubor kiba la lah ban ioh ki iathuh ba ka kmie jong katei ka khynnah ka la leit ban ai ia kane ka jingujor sha ki pulit ba u kpa jong u bah Henry u la bat bor ia la ka jong ka khun ha iing ba ki sah.
Halor kane ka jingujor ki pulit ki la kem ia u tei u briew u ba la shah kynnoh ba u la leh ia katei ka kam sniew bad mynta ki pulit ki la register mukotduma pyrshah ia u.(SP News)
