Shillong, Lber 26: Da ki spah ngut ki nonghikai skul mynta ka sngi ki la ia lum ha jan Dinam Hall ha ja
iaw, ki ar tylli ki seng jong ki nonghikai kiba kyntup ia ka All Meghalaya Primary School Teachers Association (AMPSTA) bad ka All Primary School Teachers Association (APSTA) ha kane jingialang ki la rai ban wengnoh shuwa ia ka jingiakhih jong ki namar ka sorkar ka la pynlait ia ka pisa kaba dei ka tulop jong ki.
Na ka liang jong ki nonghikai ki la ia risa da ka jingkmen haba ki la ioh ia ka jingtip b aka sorkar ka la mang haduh T. 24,10,19,977 tyngka bad kane ka long naduh u bnai Nohprah2012 haduh u bnai Rymphang 2013. Kane ka pisa ka long na ka bynta ka tulop jong ki 3852 ngut ki nonghikai bym dei jong ka sorkar bad ka kynthuplang ruh ia ka 56% kiwei pat kaba ki dei ban ioh. Kane ka dei na ka non-plan.
U General Secretary jong ka seng u Bah FC .Shullai u la ong ba na ka liang jong ka sorkar kalong ruh kaba la kloi ban ia kren ia kiwei ki jingdawa jong ka seng kumta namar ba ki la ioh shuwa ia kawei na ki jingdawa la weng noh ia ka jingiakhih ka jong ki.
Kaneka jingia kynad baroh ka mih na ka daw b aka tand pule puthi jong ka sorkar jylla kam shym la lah ban pyntip ha ka pork aba biang.Haka juh ka porn aka liang jong ki nonghikai jong ka jylla Meghalaya ki ai ia ka jingkyrshah ia ka seng All India Primary School Teachers’ Federation (ALPSTF) ban pyrshah ia ka jingthmu jong ka sorkar pdeng ban aiti sha ki riew shimet ia ka kyrdan pule elementary education lyngba ka Public-Private Partnership (PPP) mode.
Na ka liang jong u Bah Shullai u la ong ba ynleit ban ia shim bynta ha ka jingiakhih jong ki nonghikai kiba wan na kylleng jong ka Ri India kaban long ha ka 4 tarik bnai Iaiong ha Jantar Mnatar ha ka nongbah Delhi.(SP News)
