Shillong, Risaw 01: Ka seng Hynniewtrep Achick National Movement (HANM) mynta ka sngi ka la rai ban weng noh ia ka jingthmu jong ki ban leit tur sha secretariat ha ka 3 tarik mynta u bnai namar ba ki nongialam jong ka seng ki la lait mynta ka sngi na phatok.
Ha kine ki sngi ki pulit ki la rah ia ki 20 ngut ki nongialam jong ka HANM na Mawkasiang bad ha dien ba la tohkit ki la pynlait noh ia ki 17 ngut ki dkhot jong ka seng bad ki la kem ia ki ar ngut, u president jong ka seng u Bah Lamphrang Kharbani bad ia u Bah Alban Gashnga. U ba dang sah mynta dei sa tang u bah Arphul Kharbani president jong ka West Khasi Hills u dang don ha kti ki pulit.
Na ka liang jong ka HANM ha dien ba ki pulit ki la kem ia ki ar ngut ki nongialam jong ka seng ka la byrngem ba ka sorkar ka dei ban pynlait ia ki hapoh 48 kynta lem kumta kin leit ban shong kyllain mungor ha Secretarait. Da ka jinglait noh jong kine ki nongialm mynta ka sngi ka seng ka la rai ba kin weng noh ia katei ka jingthmu ban leit tur sha secretariat.(SP News)
