Shillong, Naitung 18: Ka seng Ri Bhoi Youth Federation (RBYF) ha dien ka jingiakren bad ka myntri kam pynroi sor ka kong Ampareen Lyngdoh ha ka jingialdon lang u Deputy Commissioner jong ka Ri Bhoi District u Akash Deep, ki nongialam jong ka seng ki la wengnoh ia ka jingiakhih halor ka jingkular jong ka sorkar ban ai kam biang ia kito ki ar ngut kiba la weng.
Ha kane ka jingiakren ka long ba ka sorkar kan nym lah ban ai kam biang ia ki ha ka juh ka jaka hynrei kan ai noh pat ia ki shakiwei pat ki jaka. Na ka liang jong ka RBYF ki la mynjur ia kaei kaba ka sokar ka la kular namar kaba kongsan ha ki ka long ba ki dei ban ioh kam biang kito kiba la shah weng.
Ha kane ka jingiakynduh ka la don ruh ka jingiakren ban weng ia ki jingujor baroh pyrshah ia ki nongialam jong ka seng, hynrei na ka liang jong ka sorkar ha kane ka bynta kam shym la ai ka kular kaba shai hynrei ka long ba ka sorkar kan sa peit ia kaba don kam.
Ha kane ka sngi sdang jong ka jingiakhih kaba ar sngi jong ka RBYF ka la don ka jingdkhoh ha ka jingtrei kamha ki ophis mynta ka sngi namar ka seng ka la khot ia ka pakhang ophis kaba ar sngi hynrei ha dien ba ki la don ka jigiakren ka RBYF ka la pynbna ba la weng ia kane ka jingiakhih ka jong ki.(SP News)
