Shillong, Nohprah 07: Ki heh jong ka tand shna surok jong ka jylla Meghalaya mynta ka sngi ki la 
iathuh ha khmat jong ka Meghalaya State Planning Board ba u kontraktor ba pyntrei ia ka jingkieng ha ka wah Shella kaba pyniasoh bad ka thain Mawsynram u la weng noh ia lade na kane ka jingtrei.
Na ka liang jong ka tand shna surok ka la ong ba mynta ki la shim ia ka jingdro ia kane ka jingkieng na ka IIT Guwahati bad shen kin sa khot tender thymmai na ka bynta kane ka jingkieng ki la don ruh kiwei ki jingkieng kiba la sah teng bad ka tnad shna surok ka kwah ban pyndep noh ia ki.
U Chairman jong ka MSPB u Salseng C marak mynta ka sngi u la khot ia ka jingialang ban wad jingtip ia ka jingtrei kam jogn ka tnad PWD ha kaba ia dei bad ki surok ha kane ka jylla, kiba dei na ki skhim jogn ka sorkar pdeng, ki jingiarap kiba kyrpang kiba wan na ka NEC bad kum juh ki surok ba la shna na ka pla pisa jong ka sorkar jylla.
Ha kane ka sngi na ka liang jong ka Board ka la kylli tohkit bniah ruh ia ki surok kiba dei na ka skhim PMGSY, la ia kren ruh ia ka skhim kaba ka sorkar ka kwah ban pynkylla noh na ki jingkieng dieng sha ki jngkieng dewbilat ia baroh ki surok ha kane ka jylla namar kumba ka long mynta bun na ki jignkieng ki dang dei ki jingkieng dieng.
Na ka liang jong ka tnad shna surok mynta ka sngi ki la ai ka jingkular ia ka MSPB ba kin pyndep noh ia ka jingkieng ha Williamnagar kaba don ha ka Wahsinsang ba dia ka jingkieng Sahsniang- Kuriliya kaba pyniasoh bad ka jylla Assam ba kin pyndep ha u snem 2014.
Na ka liang jong ka PWD mynta ka la ai ruh ia ka jinghikai kaba kyrpang ia ki briew jong ka tand shna surok na mar ka long kaba don kam ba ki hap ban peit ia ki jingtrei bad ia kane ka jinghikai la sdang na Tura bad yn hikai ha kiwei ki District ruh kum juh. (SP News)
.
