Shillong, Lber 08: Wat la ka seng Congress ka don la ka jong ka jong ka kynhun hynrei ha kane ka kynti kaba mynta ym don ba nud ban dawa myntri la ka dei na ki District ne ki Block baroh ki shu peit kliaw sha u Dr Mukul ia no ban ai myntri bad ki dang angnud ba ki dei ban iohi shuwa kiba la jop bun sien.
Naka liang jong u Dr Mukul wat la u don i aka hok ban jied ia ki briew jong u hynrei la sngewthuh ba u la kynjoh ktien ia ki ar ngut ki myntri rangbah ba rimka jylla u Bah DD Lapang bad ia u Salseng CH Marak ha kaba jied ia ki myntri ha kane ka sorkar kaba mynta.
Katkum ki khubor kiba la ioh da u SP News Agency n aka liang jong u Dr Mukul Sangma u la jied ia ki myntri ha ki ar bynta 60% ki dei kiba dang samla bad 40% kiba la rangbah ka daw ka long ban wanrah i aka sorkar kaba treikam.
I aka kyrteng jong ki synran jong u Dr Mukul Haduh mynta ym don ba tip namar ka Congress ka la aiti tylli tyllan ha u myntri rangbah ban jied ia ki briew kiba u la ibit. U Bah Prestone Tynsong, Bah Rowell Lyngdoh ki dang lah ban wan phai biang kum ki myntri.
Na ka liang jong ka seng Congress wat la ka la ioh 29 ngut ki MLA ha ka iing dorbar kaba 60 ngut mynta ka dang phai khmat sha ka HSPDP ban ia treilang bad ka da kwah ba lad aka HSPDP ka wan ban ia treilang kawei ka shuki ka lah ban mang ia kane ka seng. La da ka HSPDP ka pdiang ia kane ka jingiatreilang ka long ban pynskhem ia ka sorkar n aka 29 ngut ki MLA sha ka 33 ngut namar ia ki Independent ymlah ban shaniah.(SP News)
