Shillong, Naiwieng 15: U Chief Engineer jong ka tand public work department (PWD) u la ong ba wat la ka department ka la dep khot tender la ar sien ban shna ia kane ka jingkieng hynrei ym don kiba la tbit ban pyntrei ia ka. Ki kompeni kiba lah bantrei ruh kim wan namar ka dor ka long kaba rit.
Haba kren ha u SP News Agency u Chief Engineer u la ong ba kane ka jingkieng ka long kaba don kam shisha namar ka pyniaisoh ia ka Jaintia Hills bad Khasi Hills. La iathuh ba mynta ia kane ka kam la shimti da ka ministry road surface transport jong ka sorkar pdeng ba kan khot tender biang.
La ong ba ka dor jong kane ka jingtrei la pynkiew sha ka T.23 klur, hynrei ban khring ia ki company ba kin wan ban trei ia kane ka jingkieng ka tand shna surok jogn ka sorkar pdeng ka la shim ia ka rai ba ai ki kontraktor kin leh hi ia ka design bad ynda la ioh ia kane yn sa lah ban buh dor ka lah ban kiew ne hiar ruh ka dor.
Kane ka jingpyrshang jong ka PWD ban shna ia kane ka jingkieng ka la long na ka por sha ka por hynrei kim shym la lah ban pyntrei namar kid aw kiba bun ba kane ka jingkieng mynta ka lah ban poi palat ia ka dor kaba la buh da ka sorkar.
Ka jingshna ia kane ka jingkieng kan long ha ka dur jong ka khilon khlem da pynieng paia ha pdeng bad ia ka dei ban shna tang da ki nar steel. Kane ka jingkieng ka dei kaba la rim bha namar ia ka la shna naduh ka por ba ka Bilat ka dang synshar ia ka Ri India.(SP News)
