Shillong, Kyllalyngkot 03: Ki doctor jong ka jylla Meghalaya hapoh jong ka Lama MMSA ki la pynpaw ba kim lah shuh ban shu sngap ia ka jingbym lah ban leh ei ei jong ka sorkar ban kem ia ki nongtuh bad nonglute ia u one Dr Apchan A Sangma u ba trei hapoh jong ka Mahendraganj CHC, West Garo Hills.
Ban pynpaw ia ka jingsngews pyrshah ka jong ki ia kane ka jingleh jong ka sorkar ki doctor baroh ha ka 11 tarik mynta u bnai kin nym peit nongpang ha baroh ki jaka ai jingsumar jong ka sorkar ha kane ka jylla Meghalaya baroh kawei.
Na ka liang jong ka seng MMSA ka la kynnoh ba na ka liang jong ka sorkar haduh mynta ka sngi kam shym leh ei ei ban thwet ia ki nongleh kam sniew ban tuh ban lute ia u doctor u ba peit ia ka pang ka shitom jong ki paidbah.(SP News)
