Shillong, Naitung 02: U lat ba dang shu shah thung jong ka jylla u Dr Krishan Kant Paul un sa shim ia ka jingbam smai kum u Lat ba khatlai jong ka jylla ha kane ka sngi nyngkong ban wan. Ia kane ka jingpynsmai yn sa pyndep da ka Chief Justice jong ka Meghalaya High Court.
Ki thymmei napoh Raj Bhavan ki iathuh ba ka jingpynsmai ia u Lat ba thymmai kan long ha ka sngi nyngkong ban ban lada kam don shuh ka jingpynkylla kumba ka long mynta. La pynbeit ba kan long ha katei ka sngi.
Naduh ka snem 1970 haduh mynta ka jylla Meghalaya kala ioh 13 ngut ki Lat na kine ki ba lyngkot ka jinglong Lat ha kane ka jylla dei u Treveni Sahai Mishara u la long u Lat jong ka jylla tang naduh ka 29 tarik jongu bnai Lber 1984 haduh ka 15 tarik jong u bnai Iaiong 1984 katba u Lat ba jlan eh ka jingshakri ia kane ka jylla dei u M M Jacob kaba u la bat ia kane ka kam naduh ka 15 tarik jong u bnai Jylliew 1995 haduh u Iaiong 2007.(SP News)
