Shillong, Risaw 20: U president jong ka Ri India u Pranab Mukherjee yn ai jingkren hapoh iing dorbar thawain ka jylla, Meghalaya Legislative Assembly ha ka por saw baje jan miet katkum ka por kaba la buh la ong bay n ai jingkren kumba shikynta.
U Shongknor jong ka iing dorbar thawain ka jylla u AT Mandal haba kren ha u SP News Agency la ong ba u president jong ka Ri India yn kren hapoh iing dorbar la shai ka sngi ha ka por saw baje bad bad ka jingkren kan long kumba shi kynta kane ka long katkum ka programmed kabla buh.
Kane ka long shisha ka burom ia ka iing dorbar jong ka jylla ha kaba u president jong ka Ri yn ai jingkren. Kane kan long ka sien kaba ar ha ka khana pateng jong ka iing dorbar thawain ka jylla ha kaba ka iing dorbar ioh ia ka burom ha kaba ar ngut ki president jong ka Ri India ki la wan ban ai jingkren ha poh ka iing.
Ka jingkren kaba nyngkong kaba la ai hapoh ka iing dorbar thawain ka jylla dei u president ban mynshuwa jong ka Ri u Dr APJ Abdul Kalam bad kane kan long ka sien kaba ar ha kaba u president jong ka Ri India u Pranab Mukherjee un wan ban ai jingiakren hapoh ka iing dorbar kane ka long ka burom shisha.(SP News)
