Shillong, Lber 06: U president ba rim jong ka Ri India Dr APJ Abdul Kalam yn sa hikai ha ka skul bah Indian Institute of Management (IIM), Shillong na ka bynta ar bnai bad kat kan long ha u Naitung bad Nailar. Ka subject kaba yn hikai ka dei ka “Societal transformation bio-technology and its application”.
Ki samla pule kiba don ha katei ka skul bah IIM ki don baroh 110 ngut kane ka jingshim bynta jong u president baroh ha ki kam hikai ka long namar ka India ka kwah ban wanrah ia ka jingkylla ka roi ka par ha ki jaka sor bad nongkyndong.
Ha kine ki ar bnai jong ka jinghikai ka jong u ha kane ka nongbah Shillong yn batai ruh ia shibun kiwei ki rukom hikai ha kaba ia dei bad ka jingdon kam jong ka Ri ha kane ka juk kaba mynta.(SP News)
