Shillong ,kyllalyngkot,23: Mynta ka sngi u bah Baitlang Pohsngap u la pynbna ba un ia aireng ha kane ka MDC election ka ban sa long shen kum u kyrtong shimet na ka Jowai South MDC Constituency.
Haba kren ha ki nongthoh khubor mynta ka sngi u bah Baitlang u la ong “ba kum u kyrtong shimet u don ka jingthmu ba lada un poi sha ka thong jong ka jingjop un shakri hok ia ki paidbah naduh ka mynsiem ban lait na ka bam sap,kham tam eh ha JHADC ki bun bha kiei kiei kum jingbamsap u la kynnoh.
U la pynpaw ruh u la don ka jing thmu ban ia aireng ha ka Election naduh u snem 1999 hynrei u la sangeh noh bad mynta ka kynti u la pynpaw ia lade ba u long u ba la pynkhreh ha kane ka ka election ka ban sa long shen. U bah pohsngap u la iathuh ba u la long ruh u nongialam sengbhalang kham mynshuwa.
U ne u rangbah u la pynpaw ruh ba u don ka jingthmu ba lada un ioh ban poi sha ka jingjop u don ka jing kut jingmut ban leh ei ei, khamtam eh ba ka jaitbynriew kiba hap hapoh ka jingpeit ka Sixth Schedule ka dei ban iada na ka bynta ka khyndew ka shyiap ki khlaw ki btab u ong ba u la kut jingmut ba lada u shah jied kum u MDC u kloi ban pyndep ia kine ki jingkular kiba u don ban leh na ka bynta ki paidbah.(SP News)
