Shillong, Lber 05: Ka jingiakhun ia ka election na ka bynta ka kam Chairman hapoh jong ka Khasi Hills Autonomous District Council la shai ka sngi kan long hapdeng u Bah Manstudy Nongrem na ka seng Congress bad ka kong Telinia Thangkhiew na ka seng HSPDP, ha ka kynhun jog ka ARPA.
Ka election ban jied ia u Chairman jong ka KHADC kan long la shai ka sngi ha ka por 11 baje mynstep bad ka jingiajied kan long da kaba ia thep vote. Ka ARPA kumba ka long mynta hapoh ka jingialam jong u Bah Ardent ka don 17 ngut.
Katba na ka liang jong ka KHUDA hapoh ka jingialam jong u Bah PN Syiem CEM ba rim ka don 12 ngut namar haduh mynta ym pat thung ia u nominated MDC na ka liang jong ka sorkar.(SP News)
