Shillong, Jylliew 24: Ka Dorbar Grand Council of Chiefs (kaba kynthup ia Ka Dorbar Ki Khlieh Nongsynshar Ka Ri Hynniewtrep, Federation of Khasi States, Ka Dorbar Ki Dolloi, Ki Sirdarship, bad Council of Nokmas) kan ia kynduh bad ki Dolloi, Lyngdoh, Pator, Rangbah Kur, bad ki dkhot Dorbar Elaka, ki Rangbah Shnong, ki Longkmie, Samla, ki Elaka Dolloi bad Sirdarship, ka thain Jaintia Hills ha ka 26 tarik Jylliew ha ka por 11 baje mynstep hapoh office Village Court, Elaka Jowai, Loompyrdi, Iongpiah, Jowai.
Ki phang kiba kyrkieh ban ia phylliew jingmut, bad ban ia syllok, ki long Ka shithi na ka Ministry of Home Affairs, Sorkar India, kaba D.O. No. 9./10/2012 dated 18 July 2012, sha u Chief Secretary, Meghalaya, kaba pan jingmut halor ka Memorandum ba la phah da ka Dorbar sha ki bor Sorkar India ha u June 2012.
Ka KHADC Village Administration Bill 2013- Ka jingpynbeit thymmai (Amendment) Sixth Schedule -Constitution Ri India bad ka Rai ka Dorbar 4 tarik June 2013, bad ban pynlong ia ka Dorbar kaba kyrpang ha ka 13 August 2013, hapoh Khasi National Dorbar Hall, por 11 baje ban kynmaw ka jingdap 65 snem ka jingsoi bad mynjur ka Sorkar India ia ka Instrument of Accession & Annexed Agreement ha 17 tarik August 1948.(SP News)
