Shillong, Nailar, 05: Ka AJYWO Sengkmie kala pynpaw ia ka jingsngewkhia kaba jur halor ka jignsniew palat jong ka surok NH 44 ha baroh shilynter kata naduh Soomer haduh Malidor.
U bah MH Dkhar President jong ka AJYWO u la “Ka jinglehsting jong ka tnad sorkar ka ba dei peit ia kane ka surok ka la pynlong ia u paidbah bapli ban hap ha ka apot sepngi ha ka iaid ka ieng lyngba jong kane ka surok”
U Bah M H Dkhar u la ong ruh “ ka jignsniew jong kane ka surok ka ba ym lah shuh khem da ia kren ki bynta ba hap naduh Sonapur haduh Malidor kane ka surok ka la kylla thliew bad kylla krem ha kiba bun ki bynta bad don ruh ki bynta ba la i la kum ka pung ri dohkha kata ha ki thain Tuber-Wapung bad Lad-Rymbai haduh Byndihati”.
“ lada ki bor ba dei peit ia ka tnad surok kan ym shimkhia ia ka ne ka jingeh Satang katno kane ka surok kan ym long shuh ban iaid kali. Bad wat ruh ki kali rit i kim long shuh ban iaid lyngba kane ka surok lait noh ki kali heh” la ong shuh shuh u Bah M H Dkhar.
Ka sorkar kaba mynta imat ka la phiel ha ka ban ai ia ka jingshakri kaba bha ia u paidbah. Peit kum kane ka surok NH 44 kaba dei u thied snam jong ka jylla bad jong kiwei pat ki jylla jong ka thain shatei lam-mihngi jong ka Ri India ruh u long ha kum kane ka rukom ba isang sot. Ym I kop shuh ban khot National Highway. La I mynta ia kane ka surok la kum ka surok kulai.” Ong u Bah M H Dkhar.
Ka AJYWO ka dawa na ka tnad sorkar ba dei peit ia kane ka surok ba kan maramot noh mardor ia baroh ki bynta ba la sniew bad kylla thliew bad kylla pung dohkha lym kumta ka seng kam ban se ban khot biang da ka jingiakhih kaba tyngeh.(SP News)
