Shillong , Risaw, 18:Mynta ka miet , u Bah John F Kharshiing u la ioh ban kren lyngba ka phone ba poi na u President ka Ri u Pranap Mukherjee , la iathuh ba u President u la pdiang ia ka jingtyrwa ia kynduh ki Khlieh nongsynshar ia u ,ha kaba u President u la buh por ruh ba kin ia kynduh ha ka 21 tarik mynta u bnai ha ka por 5 baje thik ha Ing u lat ha Raj Bhawan.
U Bah Kharshiing u la iathuh ba kin don haduh 30 ngut ki kynhun bad ki khlieh Nongsynshar ki ban leit ia kynduh ia uPranab Mukherjee, president ha katei ka sngi hapoh ka jingialam jong u kum u Chairman ka Grand Council of Meghalaya Chief , katei ka kynhun jong ki 30 ngut ka kynthup ia ki Syiem, Doloi , ki Nokma , ki Sirdar bad kiwei. Ha katei ka jingleit ia kynduh ia u President u Bah john u la ong ba kin aiti ruh ia ka dorkhas halor ka jingiateh ka sorkar India bad ki hima Khasi kaba naduh ka 17 tarik Aug 1948.
U bah Kharshiing u la iathuh shuh shuh ba Ka Hima Khasi ka la ioh ban ithuh da ka Indian Constitution naduh mynshwa,bad iaka ne la mynjur hapdeng ka Hima Khasi bad ka Indian Princely States.
Ha ka jingialang jong ka 4th Peoples Parliament, ha ka 13th u Rymphang 2013, kaba la long ha Mairang, Hima Nongkhlaw Syiemship, ka Grand Council of Chief of Meghalaya,ka la iakren halor ka Dorkhas ia ka jingiateh ka sorkar India, ia kaba la buh da u Sardar Vallabhai Patel, Deputy Prime Minister barim, i/c Ministry of States, hashuwa ka Constituent Assembly ha u bnai July 1948 bad 1949.
Haba phai sha ka dorkhas, Ka National Commission on Human Rights,(NCRH)kat kum ka ain bad ka rai jong ka Ri India halor ki mat treikam jong ka Article 339A ka la rai ha u snem 2012 ba ia ka dorkhas bad kan long hapoh‘Legislative competence of Parliament’
Hadien ka jingwad bniah jong ka National Commission for Schedule Tribes(NCST),ba katkum ka ain jong ka Ri India hapoh ka Article 338A , ka sorkar India ka la dep rai haka 26th u Iaiong 2012, ban pyntreikam noh iaka a Ministry of Tribal Affairs,
KI dkhot kiba hapoh jong ka Grand Council of Chiefs of Meghalaya kila leit ban iakynduh kyrpang haka 7th bad 9th Jylliew 2012 ia ka sorkar UPA bad ka NAC ,hapoh ka jingialam jong Ka Sonia Gandhi, bad ia u V Kishore Chandra Deo, u ba dei u Union Minister for Tribal Affairs, bad kumjnuh ruh ki ai ia ka dorkhas,bad khadlai tylli ki mat ba kongsan,bad ruh ka Hima Khasi kan long laka jong ki Doloi ki Nokmas kat kum ki ain jong ka Ri India.(SP News)
