Shillong, Iaiong 02: Ka Grand Council of Chiefs of Meghalaya, (kaba kynthup ia Ka Dorbar Ki Khlieh Nongsynshar Ka Ri Hynniewtrep, Federation of Khasi States, Ki Sirdarship, Ki Dolloi) kan ia kynduh lashai ka sngi por 11 baje mynstep, ka 3 tarik April 2013, ha office ha Lumbasuk, Demthring, Shillong ban ia kren halor ka shithi na ka tnad Ministry Home Affairs, Sorkar India, ba la phah copy da ki bor KHADC halor ka jingpynbeit thymmai ia kiba bun ki kyndon jong ka Sixth Schedule (6TH Schedule Amendment Bill 2012 ) jong ka Constitution Ri India
Ha kane ka Dorbar yn ia kren ruh halor ka jingialang kaba la pynbeit da ki Khlieh Nongsynshar ban ia kynduh ia ka Smt. Ranee Narah, Union Minister of State for Tribal Affairs, Govt of India, ha ka 8 bad 9 tarik April 2013 ha New Delhi, halor ki dulir jingiateh kular bad ki kyndon Instrument of Accession and Annexed Agreement IOA & AA, ba la pdiang da ka Sorkar India ha ka 17 tarik August 1947. Kane ka jingkhot ban ia kren sha New Delhi, na katei ka Myntri Khynnah Tribal Affairs, ka long hadien ka jingiakynduh hapdeng ki Khlieh Nongsynshar ha ka 12 tarik March 2013 ha Shillong.(SP News)
