Shillo
ng, Nailar 02: Ka jylla Meghalaya kan phah ar ngut ki rangialehkai Batminton sha ka 12th Union Bank All India Junior Ranking Badminton Tournament, ka ban long ha ka sor bah Bangalore kaban sdag naduh ka 5 tarik haduh 10 tarik mynta u bnai ha K Raheja Badminton Stadium
U Kiefer W Shullai bad Kynsailang SM Umlong kin mihkhmat ia ka jylla bad kane ka jingai jinghikai ia ki mynta ka dang iaid ha Mawlai Datbaki Indoor Stadium ha kine ki ar bnai linter mynta,ia ki la hikai da u Coach Sunny B Warjri bad Meghalaya Badminton Champion Suba Pyngrope.
U samla Shullai mynta u bat ia ka kyrdan kaba 45th bad u don ka jingkyrmen bay n dang kiew kham sha jrong, katba u Umlong kan long ka sien kaba nyngkong ia u bay n leit ban ia khunhakumkine ki jingialehkai.
U Bah Warjri u la ong ba u la shim ia kane ka kam ka long ban pynshlur ia ki samla ba kin iaid sha khmat ha ki jingialehkai na ka bynta kito kiba don ia ka sap ka phong kaba ki don.
Na ka liang jong u Young Kiefer bad u Kynsailang ki la pynpaw ba ki dap da ka jingkyndeh ban ioh leit ia shim bynta ha katei ka jingialehkai.Kine baroh ar ngut ki la kren skhem ba kin jop ha kane ka jingiakop.
Ia kane ka jingialehkai la pyniaid da ka Karnataka Badminton Association bad ka jingiatreilang jong ka Padukone Sports Management.(SP News)
