Jowai, Naitung 28: Ka Synjuk Ki Rangbah Shnong -East Jaintia Hills District bad ki saw tylli ki sengbhalang na EJHD, kita, ka KSU Khliehriat Circle, ka AJYWO East Jaintia Zone bad ka FKJGP Khliehriat Circle, FKJGP Narpuh Cirlce bad ka HNYF-East Jaintia Zone ki la pynpaw ia ka jingpyrshah jur ia ka jingkhot pakhang surok ha East Jaintia Hills District da ki ar tylli ki sengbhalang na jaintia Hills kata ha ka miet 30 bad 31 tarik mynta u bnai.
Ka synjuk ki rangbah shnong bad kitei ki saw tylli ki seng bhalang ki ong ba ka jingkhot ia ka pakhang surok miet ka long ka bym don nongrim bad ha ka juh ka por ha 31 tarik mynta u bnai ka dei ka sngi ba ka District kan leh burom ia ka jingdap shisnem jong ka East Jaintia Hills District. Na ka liang ki synjuk rangbah shnong bad kitei ki seng bhalangki la ong ba dei ban burom ia katei ka sngi.
Na ka liang jong kitei ki saw tylli ki seng bhalang bad ka synjuk ki rangbah shnong ki la ong ban khot ia ka pakhang surok miet tang namar ba shah pynkynriah kam u wei u pulit kim sngew ia hap bad kawei pat ban khot pakhang surok ha ka sngi ba ka East Jaintia Hills ka ioh ia ka District ka long kaba yn nym lah ban pdiang. Na ka liang jong ka synjuk ki rangbah shnong bad ki tei ki saw tylli ki seng bhalang ki la ong ba ha ka 30 bad 31 tarik kan nym don ka pakhang surok miet.(SP News)
