Shillong Nohprah,20: Ka seng sain pyrthei khun hynniewtrep National Awakening M
ovement (KHNAM). Ka la shim ia ka rai ban pynieng ia u Bah Lephrin Lawai kum u kyrtong jong ka seng ha kane ka MDC kaban long ha u snem ban wan na ka Sohryngkham Constituency.
U Bah Lawai u la ong ba u kloi ban ia khun na kane ka party namar kane ka party ka don iaka nongrim kaba paka ha kaba iada iaka riti ka dustur jong ka ri bad ka jait bynriew hi baroh ka wei. Kumba ka long mynta kaba kham i ma shuh shuh ka long ba ka jait bynriew ka don hapdeng ka jingma na ka jingwan tyllep ki heh paid.
U la ong ba lada ym lah ban iada mynta ka jaid bynreiw khasi kan sa kylla long rit paid hala ka jong ka ri .kumba la iatip ba dei tang ka District Council kaba lah ban ialeh ban pynneh pynsah iaka riti ka dustur ka khyndew ka shyiap,ki khlaw ki btap ,ka khaii ka pateng bad ka ktien ka thylliej.
Ban iada ia ka jaid bynriew ka dei ban long lyngba jong ki ain,ba shong nia.dei halor kane ka nongrim ba u bah Lawai u la shim ia ka rai ban ia aireng haka MDC Election ka ban sa long ha u ne u snem 2014.Nga don ka jingthrang bad angnud kaba naduh mynsiem ban shakri ia phi u paidbah ka ri khasi la ong u Bah Elphrin Lawai,Mawryngkneng. (SP News)
