Shillong, Nohprah, 11: Ka Indian Catholic Youth Movement, (ICYM) Shillong Archdiocese kan pynlong ia ka Christmas Concert ha ka 14 tarik mynta u bnai ha Cathedral Parish Laitumkhrah, Shillong, ha ka por 4:30 baje janmiet.
Ha kane ka sngi ki Choir ba pawnam bha kiba kynthup ia ka Serenity Choir, Shlem ki Sur, Trinity Choir, Musis Ministry bad ia ki nongrwai Solo kiba kynthup ia i Grace Maureen Sohliya, Gracyl Ropmay, Manbhalang Syiemlieh, Anderson Damond Warlarpih, YU4C, Stacy Passah, Marcus Passah bad kiwei kiwei kin wan ban iashim bynta ha kane ka sngi.
Yn pyni Live ha ki TV lyngba ka Doodarshan Kendra Shillong. Ym donkam bai rung. Kane ka long katkum u kyrwoh ba la phah da u Samla Wilfred Sohphoh, Publicity Secretary, ICYM Shillong Archdiocese.(SP News)
