Shillong, Lber 5: U Deputy Commissioner jong ka East Khasi Hills u ba bat ruh kum u Chairman jong ka District Disaster Management Authority (DDMA), East Khasi Hills u la pyntip paidbah ba ka National Disaster Management Authority, New Delhi da ka jingiatreilang bad ka CSIR-NEIST Jorhat kin pynlong ia ka Mega Mock Exercise halor u Jumai lada u khynniuh kumba 8.7 ha ka jingthew jong ka Ritcher Scale.
Ia kane yn pynlong ha ka 10 tarik mynta u bnai ha kane ka nongbah Shillong, la pyntip paidbah ia kane khnang ba kan nym don kano kano ka jingkyndit jong ki paidbah kane ka jingpynipaidbah kan long ha ka por 11.30 mynstep ha ka 10 tarik mynta u bnai.
Ki jaka ban pynlong ia kane ka jingialeh kumno ban iada haba ka don ka jingkhynniuh jumai kan long ha Nongrimmaw, Laitumkhrah; MUDA Shopping Complex, Police Bazaar; Petrol Pump, Polo; NEEPCO bad ha Shillong Public School.
Ha kane ka jinghikai la ithuh ia ka Nazareth hospital, Civil hospital bad Military hospital kum ki jaka bal ah ban leit rah ia ki ba mynsaw ha kum kine ki jingjia. Ki skul ki bym dei ki jaka thih examin kin pynlong ha la ki jong ki jong ki skul ki jong ki.(SP News)
