Shillong, Jymmang 04: U Deputy Commissioner jong ka East Khasi Hills District u la ong ba ki la ioh jintip ba ki don ki briew kiba kam ia lade ba ki dei na ki nongdie tiar jong ki company ba paw hynrei ki ai pat da ki tiar kiba sniew.
La ioh jingtip ba kum kine ki jingjia ki jur eh ha ki nongkyndong. Na ka liang jong ki bor jong ka ain ki kyrpand ia ki paidbah ba kin long kiba husiar bad lada ki lap ia kum kine ki briew kin sngewbha ban pyntip sha ki bor sorkar.
La ong ba kiba bun na kine ki nongdie ki wan ban tyrwa ia ki tiar ha ka kyrteng jong ki company bapher bapher. Na ka liang jong u DC u la ong ba lada ki paidbah ki lap ia kum kine ki dei ban pyntip sha ki bor sorkar.
Ha ka juh ka por la ong ba lada lap ia kum kine ki briew na ka liang jong ka ain kan pynshitom ia ki da kaba tyngeh.(SP News)
