Shillong,Naiwieng,28:Ka seng ki nongniah Taxi kamai ha kane ka East Kha
si Hills ki la pynbna mynta ka sngi ba kin sangeh kamai ha ka 30 tarik mynta u bnai ha ka por ba ki 14 tylli ki seng ki pynklong ia ka jingialang paidbah ha Madan student halor ka ILP.
Ha ka jingiakren bad ki nongthoh khubor mynta ka sngi u bah W.Jyrwa General Secretary jong ka seng East Khasi Hill Local Taxi Association u la ong ba ki sngew khia jur ia kane ka jingleh mynthi jong ka sorkar namar kala wanrah ia ka jingduh nong ia ki taxi kamai namar ki jingiakhih.
Ki briew kiba thied taxi kiba bun ki dei kiba shu shimram na ki bank, kompeni bad ki hap ban siew man u bnai, haba ki don kine ki jingiakhih kala ktah ia ka kamai jong ki bad ki shem shitom wat tang ban pynlait ia ka ram ka jong ki. Ka jingkylli ka long ba lei ka sorkar ka eh ban khot ia ka jingiakren bad ki seng bhalang.
Kane ka seng ka khot bad ka wer ia baroh ki nong niah taxi jong ka East Khasi Hill ba ki dei ban burom ha kane ka sngi ba ki ne ki seng ki la pyn beit,bad la kyrpad ruh ia baroh ki nong niah taxi la kumno kumno ki dei ban ia poi khnang khnang sha ka tei ka jingialang jong ki tei ki seng ban ioh sngew hi da lade halor ka jingiakhih kaba la iaid la lai bnai mynta, bad la don kiba leh pyrshah halor kane ka jing kyrpad lada jia ei ei kin hap kit khlieh hi.(SP News)
