Shillong, Rymphang 28: Ka long ka sien kaba nyngkong b aka jylla Meghalaya ka la ioh haduh saw ngut ki MLA kynthei ha kane ka kynti kaba mynta bad kita baroh ki dei na ka seng Congress, kine ki MLA ki long ka kong Roshan Warjri, Ampareen Lyngdoh ka Debora CH Marak bad ka Dikancchi D Shira ka kurim jongu myntri rangbah ka jylla u Dr Mukul Sangma.
Ha kane ka election kaba la pynkyndit ia baroh ka dei ka jingshah rem kput jong ka NPP ha kaba ka la lah ban ioh tang ar seat, ym tang kata ha kaba u nongialam ka liang pyrshah u Conrad K Sangma ruh u la shah rem ha ka seng Congress.
Ka UDP ruh ha kane ka kynti kaba mynta ka la hiar shibun ha kaba ka la lah ban jop tang phra seat, katba ka HSPDP pat ka la kiew ha kaba la ioh haduh saw seat, ka NCP ruh ka la ioh ar seat, kaba bun eh ka dei ka jingjop jong ki kyrtong shimet haduh 13 ngut.
Na ka liang jong ka seng Congress ka dei ka sien kaba nyngkong ba kan ioh haduh 29 ngut ki MLA naduh ba la ioh ia ka jylla Meghalaya. Ha ka election kaba la dep ka la ioh tang 25 seat bad mynta kala ioh tam da saw seat, kumba ka long mynta ka sorkar kan leit sha ka seng Congress hynrei ka jingkylli ka long mano ban long myntri rangbah.(SP News)
