Shillong,rymphang,06: Ka Titan Eye Plus, kawei na ki shlem pyniaid iew ia ki iitkhmat ha ka ri India kan wanrah sha ki paidbah ia ki jait iitkhmat kiba kham pher ia kiba la tip kum ki progressive lenses ia kiba la shna pynwandur katkum ka dur jong ki jong ki nongpyndonkam kiba kham pynsuk ruh haba deng ia ki.
Ka Titan ka don ruh ia kine ki jait iitkhmat bapher bapher. Ki jait iitkhmat kiba la shna thymmai na kane ka shlem ki kynthup ia ka Elan Horizon- kaba long ka iitkmat kaba nyngkong eh ban pynwandur kum ki progressive lenses, ka Elan Panorama kane ka iarap ia ki nongpyndonkam ban kham iohi jngai haba ianujor bad kiwei kiwei pat ki jait iitkhmat bad iarap ruh ia ki nongpyndonkam ban kham iohi shynna, ka wei pat ka dei Titan Sportz ki ne ki dei ki jait iitkhmat kiba la shna pyllun khyndiat bad kynthup ruh ia ki iitkhmat iada sngi, kiba ju pyndonkam haba ialehkai sports. Baroh kine ki jait iitkhmat ki ioh guarantee na ka bynta 45 sngi bad 1 snem ka warranty.
U Ravi Kant ,CEO ka Eyewear Division Titan company haba ai jingkren hynne ka sngi u la ong, “ka Titan ka dang iai bteng ban wanrah shuh shuh ia ki tiar kiba thymmai ban pynurlong ia ka jingdawa ki paidbah.
Katkum ka international report kaba dang shen- la iathuh ba ka jingjyllei ki tiar electronic ha ki jaka sor ka ri India ka la ktah bha ia ka koit ka khiah ki paidbah khamtam ia ki khmat. Ka jingpyndonkam ia ki Computer bad ki Mobile Phones da ki samla ka la pynlyngkot wat ia ka rta ha kaba ka bor iohi ka la ktah bha ynda ki la poi ha ka rta kaba 30 snem. Kine ki jait iit kin ai sha ki paidbah tang na ki dukan die iitkhmat ka Titan Eye Plus kiba don ha ka ri baroh kawei.”
Ka Titan ka ju pynmih ruh ia ki iitkhmat ba la tip kum ki conventional Glass, Plastic, Polycarbonate, Trivex. Ia ki iitkhmat Single vision bad Bi-focal Progressive Titan kiba la pyndait bad ka anti-reflective, anti-scratch, super hydrophobic bad UV coating lah ban ioh na kane ka shlem. Ka dor jong kine ki iitkhmat Titan ki long naduh T. 2095 haduh T. 75, 000. Ka Titan Eye plus ka la pynmih ia ka shlem saindur ia ki iitkmat ha Chikkabalapur ha u Jylliew 2010.(SP News)
