Shillong, Iaiong 11: Hadien bun snem ka jingangud jong ki paidbah nongshong shnong jong ka Tyrso Umlyngdoh kaba dang hap hapoh ka Mawhati Constituency ban don noh ka ing dorbar kaba paka hapoh ka shnong Tyrso Umlyngdoh, bad mynta ka sngi ka jingangud jong ki paidbah la bun snem kala urlong noh hadien ka jing trei shitom jong u MLA ka Mawhati Constituency u Bah Charles Marngar ban pyn ioh iaka skhim kaba kyrpang napoh ka Border Area Development Office Under Scheme jong u snem 2024-2025 haka jinglut kaba 6Lak 60hajar 433 tyngka.Ha kane ka sngi la wan ban plie iaka ing Dorbar jong ka Shnong Tyrso Umlyngdoh da u MLA ka Mawhati Constituency u Bah Charles Marngar bad la pyllait ruh ia u maw sah jingkynmaw halor ka jinglut jingsep ba tei iaka ing Dorbar jong ka Shnong Tyrso Umlyngdoh haka jingiadonlang ruh u Rangbah Shnong Tyrso Umlyngdoh u Bah Piialshon Shadap haka jing synrang lang jong ki Rangbah Shnong kiba mar jan Shnong lem bad ki phew ngut ki nongshong shnong jong ka Tyrso Umlyngdoh.
Haha ai jingkren u Bah Charles Marngar u la ong ba kum ki nongialam Shnong ki dei ban don ka jingieid ka jing ia sngewthuh jingmut bad ka jingiatreilang hapoh shnong poh thaw ban wanrah iaka roi ka par haka imlang ka sahlang. Bad u la pynpaw kynmaw ruh ba mynta ka sngi ka dei ka sngikha jong u Late Dr DD Lapang bad ka dei sngi sah kynmaw iaka Shnong Tyrso Umlyngdoh ba kala ion ban plie paidbah iakane ka ing Dorbar kaba paka.
Hakane ka juh ka sngi naka liang u MLA ka Mawhati Constituency u la leit ban leit ai jingiarap daki tin sop tnum kaba 8 ban iaka Balang u Blei kaba don ha Tyrso Pdeng, bad ka dei ruh ka ingmane kaba shah lyngshop haki bor mariang haka por kaba jur lyer bha, bad u la ong ba kum u MLA un don ha syndah bad ka Balang U Blei jong ka Shnong Tyrso Pdeng ban kner ka jingiarap ha kum kine ki por ba wan kah u lyoh ba dum hapoh ka Balang.
