Shillong, Nohprah 13: Namar ka jingleh khlem akor bad leh dusmon ki nong nongwan kai suwari ia ki bynta sawdong ka Diengpasoh View Point kaba don ha surok bah jong ka Shillong By Pass da kaba ki bret pathar ia ki Plastic Chip , Ki bitor Kyiad bad bitor beer bad kiwei ki jing pynjaboh ha katei ka jaka.
Ka Khasi Students’ Union (KSU) Diengpasoh Unit myn ha ka sngi saitjan ka 12 tarik mynta u bnai hapoh ka jingialam jong u President ka Unit u samla Agnes Kharsati ki la pynlong ia ka jing pynkhuid (Cleaning Drive) ha katei ka jaka ryngkat ka jingdonlang u President ka Mawryngkneng Tourism Promotion Society u bah Wanlambok Kharsati.
Na ka liang u bah Agnes Kharsati u la ong ba ha kane ka jaka khamtam ha ka sngi saitjan bad sngi U Blei da ki spah ngut ki nongwan kai ki wan da ki bike ki scooty hynrei kaba sngewsih pat ban ong ba kine ki nongwan kim don pat ka jingkitkhlieh pynban ki ialeh dusmon da kaba bret pathar naduh ki Chips , Ki bitor Kyiad ki bitor beer bad kaba kham i sait met shuh shuj ka long ka jingpynpait ruh ia ki bitor Kyiad ha kane ka jaka .
Kane ka buh jingma pat ia ki traishnong kiba iaid lynti na kane ka jaka. Kumta na ka liang ka seng ka maham ia ki briew kiba wankai ba kim dei shuh ban bret pathar ha kane ka jaka bad na ka liang jong ka seng lada don mano ba pynkhein kim banse ban pynshitom katkum ka ain shnong ne wat ban aiti sha ka bor ka ain ruh.
Ha kane ka sngi la iadon bynta lang na ka liang ka Mawryngkneng Tourism Promotion Society ba la mihkhmat da u bah Wanlambok Kharsati kum u u President ka seng ban iashimbynta lang ha ka jingpynkhuid .
Ha ka jingkren Jong u , U Pynpaw “Ngi pdiang sngewbha ia baroh ki nongwan kai ba najan ne ba na jngai hynrei haba ngi wan kai ngi dei ban don ka jingkitkhlieh ia ka jingkhuid jong ka jaka. U la bynrap ruh Lada mangi ki trai ngi nang ban burom ia ki jaka lajong khlem artatien kiwei kim nud ban leh tam.
Na ka liang ka KSU Diengpasoh ka la rai ban shim ka jingkit khlieh ban iakren bad ka bor shnong Diengpasoh bad kumjuh bad ka NHAI ban pynkhuid bad sumar ia kane ka jaka.
