Shillong, Kyllalyngkot 05: Mynta ka sngi ka ophis jong u Chief Electoral Officer jong ka jylla Meghalaya mynta ka sngi kala pynmih ia ki kyrteng jong ki nognthep vote ha ka jylla Meghalaya ha kaba baroh ki don 22,17,100 lak ngut ki nongthep vote.
Kane ka jingpynmih ia ki kyrteng jong ki nongthep vote kiba la pynrung thymmai ruh ka long haduh ka 01.01.2024 na ka bynta ki 60 tylli ki MLA konstitwensi ia kaba la pynmih mynta ka sngi ka 05/01/2024 baroh ki nongthep vote ki don 22,17,100 lak ngut.
Ka jingkiew jong ki nongthep vote ka long da 30,949 ngut ha kaba ia nujor bad ka jingthoh kyrteng kaba dang shu pynkhreh kiba la don 21,86,151 lak ngut, kane ka long katkum ka jingpyntip jong u CEO ka jylla Meghalaya u Dr. B.D.R Tiwari.
