Shillong, Kyllalyngkot 12: Mynta ka sngi u Lat ka jylla u Phagu Chauhan u la plie ia ka Raj Bahvan ha Tura da kaba shu niah na Raj Bahvan Shillong bad ha Tura kiba la la don lang ban sakhi ia kane ka sngi sah kynmaw long u myntri rangbah ka jylla u Conrad K Sangma, u shongknor ka iing dorbar thawain ka jylla u Thomas Sangma, Marcuise N Marak Minsiter bad ka Agatha Sangma MP.
Haba kren halor kane ka iing sah jong u Lat ka jylla ha Tura u myntri rangbah ka jylla u Conrad K Sangma u la ong ba ka jingpyrkhat ban don ia ka Raj Bahvan ha Tura kala sdang naduh u snem 2009 bad ha dien 16 snem la lah ban plie mynta ka sngi da u Lat ka jylla bad kane ka long ka burom ia ka Garo Hills baroh kawei ha kaba u ai khublei ia u lat bala plie mynta ka sngi.
U myntri rangbah ka jylla u la ong ba ka long ka burom ia ka jylla ba ka President jong ka Ri India ka Draupadi Murmu kan sah ha kane ka Raj Bahvan kaba la plie mynta ka sngi ha ka jingwan ka jong ka ha Tura ha ka 15/1/2024. Kane ka dei ka jingtei kaba la kwah ba ka sorkar kan pyndep bad mynta ka sngi kala urlong.
Ia kane ka Raj Bahvan ha Tura la lah ban pyndep ha ka jinglut kaba T.24.1 klur tyngka bad ka jingeh ha kane ka jaka jong ka Raj Bahvan ka heh 28.45 akar, ka jingsdang ban shna ia kane ka iing ha u snem 2009 da ka jingmang pisa T.5.48 klur, hynrei na kid aw kiba ym lah ban kiar kala mih ha u snem 2016 bad kane ka la wanrah ia ka jingpynslem ban tei ia kane ka iing.
Dei ha u snem 2021 ba ka sorkar kala mang pisa T.10.98 klur tyngka ban sdang ban bteng ia kane ka jingtrei ha dien kata la pynlait pisa shuh sa T.7.69 klur tyngka bad da ka jingbud dien ia kane ka jingtrei la lah ban pyndep mynta ka sngi la ioh ban plie ha dien lai snem. Ha kane ka sngi la don lang u DC u Jagdish Chelani bad kiwei kiwei ki riew paw khmat.
