Shillong Risaw 19: Ka samla Suman Lyngdoh mynta ka sngi ka la shah jied 
kum ka Miss Shillong 2013 ha ka jingiakop thei bhabriew kaba la pynlong da ka Shillong Foshion Societ ha U Soso Tham Auditorium.
Ha kane ka jingiakop ka Sneha Biswa ka la wan ba ar, ka Vandana Borkatoky ka la wan ba lai bad ka Ibakemlang Lyngdoh ka la wan ba saw. Ka jingiakop miss Shillong mynta u snem ka kham long kynjah namar kajingduna jong ki briew kiba wan peit kai na ka daw jong ka jingtieng ia kane ka jingjia ha Shillong ha kine ki sngi na ka jingiakhih ILP.
Ki nongjop ha ki jingiakop ki bapher bapher ki long, ka ia ka nam Dazzling smile la jop da ka Sarah Mynsong, Beautiful Hair la ioh da ka Nenem Suantak, ia ka nam Silki skin bad beautiful eyes la ioh da ka Sneha Biswa, Perfect ten won la jop da ka Purabi Das, Potogenic la ioh rah da ka Ibakermen Lyngdoh, katba ia ka nam Roll Model bad personality la jop da ka Crystal Xazena.
Ka samla Suman Lyngdoh nalor ba ka la ioh rah ia ka nam miss Shillong ka la ioh ruh sa kiwei ki jingiakop, ka nam , Queen of Hearth, Cut Walk, Traditional dress bad spontaneity la pynkup sha katei ka samla.
Ki paidbah ki la ia shongshit ban peit ia ka jinglah jong ki nongpyninam ia ka raim ka beit kiba la pynwan dur ha kane ka nongbah Shillong bad da ki jingshad na ki kynhun bapher bapher. Ia ki raim la shuh da kaba khleh lang ia ki style jong ki ri sep ngi bad kiba dei jong kane ka Ri India.(SP News)
