Shillong, Rymphang 20: Ha ka juh ka rukom pyrkhat ban long kawei ka Ri India bad ka ri kaba phyrnai kaba la shim ia kane ka sien jam da ka sorkar pdeng, da ka jingthmu ban dang wanrah ia ka jingiajan hapdeng ki briew jong ki jylla bad ki Union Territory la pynlong ia ka jingshad tynrai ha Raj Bhavan Shillong ban rakhe ia ka jingioh jylla ka Arunachal Pradesh bad Mizoram.
Ha kane ka sngi u Lat jong ka jylla u Phagu Chauhan ula ong u kongsan ha kane ka jingrakhe, ha kane ka sngi u Commissioner bad Secretary jong u Lat ka jylla u Dr. B.D.R Tiwari u la kren ia ka khana kaba la pynlong ba kumno la pynioh ia kitei ki ar tylli ki jylla bad la kren ruh ia ka jingkhlain ka jong ki.
Ha kane ka sngi la pyninam ia ka shad tynrai jong ka jylla Arunachal Pradesh bad ka jylla Mizoram, ia kane ka jingrakhe la pynlong da ka jingiatreilang bad ka tnad pynneh pynsah riti dustur ka sorkar Meghalaya bad ka Indian Council for Cultural Relations (ICCR) Shillong.
Ia kun kane ka jingrakhe ha ki sngi ba ki jylla bapher bapher ki ioh ia ka jylla ka jong ki la juh pynlong ha kane ka kynti kaba mynta na ka por sha ka por bad ka jingthmu jong kane ka long ban wanrah ia ka jingsngewthuh ia ka riti dustur bad ka tynrai jong kiwei ki jylla bad ban wanrah ia ka jingiatylli ha ka Ri.
